Entrenamendua Taxoaren
Osasuna: Sergio arazorik gabe entrenatu da
Erredakzioa
Levanteren aurkako berdinketaren ondoren, Vadocz, Monreal, Nekounam eta Masoud euren selekzioekin bilduko dira, partida ofizialik gabeko aste batean.
Osasunako jokalariak normaltasunez aritu dira goizeko saioan, izan ere, aste lasaia daukatelako Camachoren mutilek. Ligako partidarik ez da egongo hurrengo asteburuan eta gorritxoen lau jokalari euren selekzioekin bildu dira. Nekounam eta Masoud Iranera joan dira, Monreal bihar elkartuko da Espainiako selekzioarekin eta Vadocz Hungariako selekzioarekin bildu da.
Sergiok alde batera utzi ditu azken asteetan izan dituen arazoak eta atzelariak normaltasunez burutu du entrenamendua bere taldekideen erritmora.