30. jardunaldia
Osasunak puntu bat lortu du Albaceten, hamar jokalariren aurka
Erredakzioa
Gorritxoek gizon bat gehiago izan dute bigarren zatian, baina ezin izan dute garaipena eskuratu Carlos Belmonten.
Argazkia: @CAOsasuna (Twitter).
Osasunak puntu bat urratu du igande honetan Albaceteko Carlos Belmonte zelaian, 0-0 berdinduta. Gorritxoek ezin izan dute baliatu bigarren zatian izan duten abantaila; izan ere, etxeko taldea hamar jokalarirekin aritu da.
Berdinketa honekin, Osasuna seigarren postuan dago, hau da, promozio-postuan, eta bigarren sailkatua 7 puntura ditu. Zaragoza, bolada oso onean dabilen taldea bera, hurrengo aurkaria izango da Sadarren, datorren larunbatean.