Bartzelona dute aurkari
Taxoaren pilatutako elurrak gimnasioan entrenatzera behartu du Osasuna
Erredakzioa
Bartzelonaren aldetik, Lionel Messi normaltasunez entrenatu da eta gorritxoen aurkako partidarako deialdian sartu da.
Osasunak gimnasioan prestatu behar izan du larunbat honetan (20:00etan) Bartzelonaren aurka jokatu behar duen partida. Taxoaren eta Reino de Navarran pilatutako elurrak gimnasioan entrenatzera behartu du talde gorritxoa.
Jokalari batzuk arazoak izan dituzte entrenamendura iristeko elurra dela eta, baina azkenean denak iritsi dira Taxoarera. Camachok ezin izan du, beraz, ohikoa duen moduan hasierako hamaikakoarekin entrenatu.
Messi deialdian sartu da
Lionel Messi argentinarrak normaltasunez entrenatu du gaur Sant Joan de Espiko kirol istalazioetan. Astean zehar min harturik ibili da Messi, baina Osasunaren aurkako partidako deialdian sartu da.