Kontratu amaiera
Olavidek ez du Osasunan jarraituko
Erredakzioa
Miguel Olavideri kontratua amaitzen zaio ekainaren 30ean, eta klubak ez dio egin berritzeko eskaintzarik.
Miguel Olavide. Argazkia: @CAOsasuna
Miguel Olavidek ez du Osasunan jarraituko datorren denboraldian. Nafarroako jokalariari kontratua amaitzen zaio ekainaren 30ean, eta klubak ez dio egin berritzeko eskaintzarik. Olavidek lau denboraldi eman ditu lehen taldean, eta bat Sevilla Atleticon, utzita.
2014ko azaroaren 15ean egin zuen debuta Ponferradinaren aurkako partidan. Ordutik, 70 neurketa jokatu ditu Osasunaren lehen taldearekin, eta bi gol sartu ditu; Mirandesen aurka Errege Kopan, eta, Mestallan Valentziaren kontra Lehen Mailan. Lehen Mailara bi aldiz igo da talde gorritxoarekin.
Osasunak ez dio kontratua berritzeko eskaintzarik egin Olavideri, baina eskerrak eman nahi izan dizkio klubean eman duen denboran azaldu duen profesionaltasunagatik.