Ohiko Batzar Nagusia
Osasunako bazkideek 54,4 milioi euroko aurrekontua onartu dute
Erredakzioa
Bazkide konpromisarioek 2019-2020 denboraldiko aurrekontua eta 2018-2019 denboraldiko kontuak onartu dituzte Ohiko Batzar Nagusian.
Luis Sabalza Osasunako presidentea, Ohiko Batzar Nagusian. Argazkia: EFE
Osasunako bazkide konpromisarioek 54,4 milioi euroko aurrekontua onartu dute 2019-2020 denboraldirako, igande honetan egindako Ohiko Batzar Nagusian. Aldeko 139 boto, aurkako 73 boto, 12 abstentzio eta balio gabeko bi boto jaso dituzte Zuzendaritza Batzordeak aurkeztutako aurrekontuek.
Denboraldi honetarako, Osasunak 56,7 milioiko diru-sarrerak aurreikusi ditu, eta 54,4 milioiko gastuak. Guztira, 3,1 milioiko superabita espero dute, azkenean 2,2 milioitan geratuko dena, zergak kenduta.
Bestalde, iazko (2018-2019 denboraldia) kontuak ere onartuak izan dira, aldeko 188 botorekin, eta kontrako 22rekin. 12 abstentzio izan dira, eta balio gabeko boto bakarra egon da.