Etxean partidarik galdu gabe
Osasuna Europa Leagueko postuetaik bi puntura kokatu da
A.B.
Erredakzioa
Gorritxoek bi partida bakarrik galdu dituzte hamar jardunalditan eta etxean ez dute porrotik jaso oraindik. Seigarren postuan dagoen Malaga bi puntura dute.
Osasunak ez du partidarik galdu etxean. Argazkia: EFE
Denboraldi hasiera honetako ezusteko pozgarrienetako bat Osasuna sailkapenaren goialdean ikustearena da. Gorritxoak sendo ari dira etxean eta honek postu erosoetan egotea ekarri dio.
Orain arte jokatu diren hamar jardunaldietatik bi besterik ez ditu galdu Osasunak. Reyno de Navarran jokatu dituen bost partidetatik hiru irabazi eta bi berdindu ditu. Etxetik kanpora bi partida galdu eta hiru berdindu ditu Mendilibarrek zuzentzen duen taldeak.
Datu hauek guztiak kontutan hartuta Osasuna sailkapeneko zortzigarren postuan dago eta Europa Leaguea jokatzeko eskubidea ematen duen seigarren postuan (Malagak betetzen du) bi puntura dute.