Prentsaurrekoa
Nino: "Heriotzaraino borrokatuko gara"
Erredakzioa
Horiek izan dira Osasunako aurrelariaren hitzak, Osasunak Rayo Vallecanoren kontra jokatuko duen partidari buruz.
Nino. Argazkia: EITB
Nino Osasunako aurrelariak prentsaurrekoa eman du asteazken honetan eta lehiaketara itzultzeko gogoa duela adierazi du: "Etenaldiaren eta, batez ere, porrot baten ondoren, Liga berriz hasteko gogoz nago". Bestalde, Osasunako aurrelariak Rayo Vallecanoren kontrako partidaz hitz egin du: "Guk norgehiagoka guztiei ematen diegu garrantzia. Argi dago orain aurkari zuzenak datozela eta heriotzaraino borrokatu behar dugu".
Taldean duen parte-hartzearekin pozik dagoela adierazi du Ninok, baina gol gehiago sartu nahi ditu: "Pozik nago jokatzen dudalako, baina aitortzen dut gol gehiago sartu nahi ditudala".