Igandean, 12:00etan
Lamah eta Cejudo azken orduko bajak Sportingen aurka jokatzeko
Erredakzioa
Bi erdilariek azken orduko lesioak dituzte eta Jose Luis Mendilibarrek aldaketa garrantzitsuak egin beharko ditu. Asturiaseko taldeak aurreneko partida jokatuko du Iñaki Tejadaren aginduetara.
Osasuna. Argazkia: EFE
Roland Lamahek eta Alvaro Cejudok ezin izango dute Molinen jokatu azken orduan lesionatu baitira. Hori dela eta, Jose Luis Mendilibar Osasunako teknikariak aldaketa garrantzitsuak egin beharko ditu hasierako hamaikakoan Sportingen aurka jokatzeko.
Jokalariak Atletico Madrilen aurka lesionatu ziren, baina Nafarroako taldeak ez ditu lesionatuen artean sartu astean zehar. Cejudok kolpea jaso zuen aldakan eta Lamahek behatzean kolpea hartu zuen eta puntuak eman behar izan dizkiote.
Hala ere, Mendilibarrek Ibrahima berreskuratu egin du eta Senegalekoa hasierako hamaikakora itzuli daiteke. Roversiok, Kike Solak eta Masoudek baja izaten jarraitzen dute.