Osasunak liderraren bisita hartuko du Reyno de Navarran

Osasunak partida garrantzitsua eta zaila jokatuko du datorren larunbatean Reyno de Navarran. Norgehiagoka 20:00etan hasiko da eta Real Madril izango dute aurkari.

Gorritxoek garaipena edo punturen bat lortzea dute helburu Europako txapelketak jokatzeko aukera ematen duten postuetan jarraitu ahal izateko. Jokalariek badakite aurkari gogorra dutela aurrean eta partida zaila izango dela. Baina Real Madrili asko kostatzen zaiola Reyno de Navarran partidak aurrera ateratzea ere badakite. Masoud, Kike Sola, Marc Bertran eta Ruben baja izango dira partida honetarako.

Bestalde, Real Madrilek ere garaipena behar du. Barçarekiko sei puntuko aldea duten arren, badakite huts batek diferentzia hori murriztu dezakeela. Txapeldunen Ligako kanporaketa bideratuta eta ia erabakita dute, beraz, Ligan zentratuta egongo dira. Varanek jokatuko du Sergio Ramosekin batera defentsa lerroan.