RETO IBERDROLA
Osasuna Primera Iberdrolara igotzeko aukerarik gabe geratu da
EITB MEDIA
Kakun Mainzen taldeak 5-2 galdu du Bartzelona Bren aurka. Emaitza horrek eta aurkari zuzenen garaipenek gora egiteko aukerarik gabe utzi dute talde gorritxoa.
Jokalari gorritxo bat lur jota, Bartzelona Bren aurka galdu ostean. Argazkia: @CAOsasuna
Osasunaren emakumezkoen taldeak 5-2 galdu du igande honetan Bartzelona Bren aurka, eta Primera Iberdrolara igotzeko aukerarik gabe geratu da, Espanyol eta Levante Las Planas aurkariek irabazi egin baitituzte euren neurketak. Lehendabizikoek 3-2 irabazi diote CE Seagulli, eta bigarrenek 0-2 garaitu dute AEM SE Lleida, etxetik kanpo.
Horrela, Kakun Mainzek zuzentzen duen taldea bere multzoko lehen postua bereganatzeko aukerarik gabe iritsiko da azken jardunaldira.
Fitxa teknikoa:
Bartzelona B: Txell Font, Martina, Clara, M. Molina, Caño (A. Mingueza, 60. min), Ornella (Nina, 60. min), J. Bartel (Adriana, 83. min), María, Esther, Ona (L. Martret, 73. min), Rocío (L. Corrales, 73. min).
Osasuna Femenino: Maitane, Josune (Herrero, 82. min), Celia (Anita, 70. min), Miriam (Leyre, 63. min), María G. (Patri Zugasti, 46. min), Lorena, Iara, Mar Torras, Vilariño (María Blanco, 82. min), Aitana, Saioa.
Epailea: María Molina. Txartel horiak: M. Molin (Bartzelona B); Josune eta Leyre (Osasuna).
Golak: 1-0, 6. min: Rocío. 1-1, 11. min: Miriam. 2-1, 23. min: Esther. 3-1, 42. min: Ona. 3-2, 45. min: Iara. 4-2, 51. min: M. Molina. 5-2, 78. min: L. Corrales.