BI URTE GEHIAGO
Osasunak 2026ra arte luzatu du Juan Cruzekin zuen lotura
EITB MEDIA
Bien arteko aurreko lotura 2024an amaitzekoa zen; beraz, bi urte gehitu dizkiote aurreko kontratuari.
Juan Cruz. Argazkia: @Osasuna
Osasunak jakitera eman duenez, 2026ko ekainaren 30era arte luzatu du Juan Cruzekin zuen lotura, hau da, aurreko kontratuan jasotzen zena baino bi urte gehiago. Jokalari gorritxoaren etete-klausula 15 milioi eurokoa izango da.
Atletico Madrilen beheko taldeetan hezitako atzelaria 2020ko abuztuan iritsi zen Osasunara, eta Iruñeko taldean jokatu zuen lehen denboraldian, hogeita sei partida jokatu zituen: bigarrenean, berriz, 23. Aurtengo sasoian 13 neurketetan parte hartu, eta Jagoba Arrasateren erabateko konfiantza duen jokalaria da.