Neguko fitxaketak
Rafa Benitezek David Villa fitxatu nahi du
Erredakzioa
Chelseak Bartzelonari eskaintza ukaezina egingo diola adierazi du 'The Daily Mirror' egunkariak. Rafa Benitezek Villarekin taldea indartu nahi du.
David Villa eta Iniesta. Argazkia: EFE
Rafa Benitez Chelseako entrenatzaileak David Villa fitxatzeko Bartzelonari eskaintza egingo diola adierazi du ‘The Daily Mirror’ egunkariak.
Egunkari honen esanetan, Chelseak 12 milioi libra (ia14 milioi euro) eskainiko dizkio Bartzelonari. Villak iaz lesio larri izan zuen, eta jokalaria minutu gutxi jokatzen ari da Kataluniako taldean.
Londreseko taldeak Fernando Torresekin batera jokatzeko beste jokalari baten bila dago, eta ‘The Daily Mirror’ egunkariak eskaintza ukaezina izango dela azaldu du. Hala ere, Bartzelonak argi utzi du urtarrilan ez duela mugimendurik egingo.
Liverpool eta Arsenal ere, ustez David Villa fitxatu nahi duten taldeen artean daude.