Beckham, Paris Saint-Germain taldeko jokalari berria

David Beckham jokalari ingelesak Paris Saint-Germain taldean jokatuko du denboraldia bukatu arte, Frantziako taldeak jakinarazi duenez.

Duela hiru hilabete agur esan zion Beckhamek Los Angeles Galaxi AEBetako taldeari, eta orain, 37 urte dituela, aro berri bati hasiera emango dio Frantzian. Qatarreko jabeen diruari esker fitxatu ahal izan du PSGk Beckham.

"Oso harro nago PSGrekin fitxatu izanagatik. Klubak Europako talde onenetarikoen artean izatea du helburu, eta nik xede horretan laguntzea espero dut”, adierazi du jokalariak hedabideen aurrean egindako aurkezpenean.
Fisikoki ondo dagoela adierazi du, baina badaki ez duela lehengo momentutik hasierako hamaikakoan jokatuko.