FC Bartzelona
Tito Vilanova bueltan da
Erredakzioa
New Yorken guruin parotidan duen minbiziaren aurkako tratamendua jaso du FC Bartzelonako entrenatzaileak.
Tito Vilanova, Bartzelonako aireportuan. Argazkia: EFE
Tito Vilanova FC Bartzelonako entrenatzailea bueltan da. Vilanovak bi hilabete inguru eman ditu New Yorken, eta bertan guruin parotidan duen minbiziaren aurkako tratamendua jaso du.
Gaur goizean, 08:30ean, Bartzelonako El Prat aireportura heldu da. Klubak bere itzulera iragarri zuen duela pare bat aste.
Dena den, Vilanovak ez du arratsalde honetako entrenamendua zuzenduko. Hurrengo asteburuan Celtaren aurka jokatuko du Bartzelonak, baina oraindik ez dute zehaztu aulkian eseriko den edo ez.