Bigarren maila
Hirugarren garaipena jarraian Eibarrentzat
Erredakzioa
Armaginak Zaragozari gailendu zaizkio kanpotarrek 0 eta 2koa berdintzea lortu duten arren. Eizmendi eta Arruabarrena (2) izan dira gipuzkoarren golegileak.
Eibartarrak euripean gailendu dira. EiTB.
Eibarrek hirugarren garaipena jarraian lortu du ligan, Zaragozari 3 eta 2 irabazita. Aragoiko taldeak, hala ere, kontra zituzten bi golak berdintzea lortu du eta ezustea ematear izan da.
Armaginek lehen zati ona jokatu dute, Zaragoza baino gehiago izan dira, nahiz eta kanpotarrak azken lau partidetan porrotik jaso gabe iritsi diren Ipuruara.
Etxekoen lehen gola Alain Eizmendik egin du 23. minutuan, Leo Franco atezainaren alderaketa aprobetxatuta.
Bigarrena, berriz, Arruabarrenak sartu du atsedenaldirako bi minuturen faltan.
Atsedenaldiaren ondoren, Zaragozak aldea murriztea lortu du Raul Navasek bere atean sartutako golari esker.
Binakoa handik minutu gutxira iritsi da: Cidonchak egin du, ezkerretik jasotako pasea kontrolatuta.
Eibartarrek, hala ere, ez dute etso, eta 77. minutuan garaipenaren gola lortu dute: Arruabarrenak egin du, atezainaren urrunketa kaskarrari etekina aterata.
Fitxa teknikoa:
3 - Eibar: Xabi Iruretagoiena; Lillo, Raúl Navas, Albentosa, Yuri; Diego Rivas, Dani García; Capa (Urko Vera, 71 min.), Arruabarrena (Errasti, 80 min), Eizmendi (Gilvan Gomes, 71 min); eta Morales.
2 - Real Zaragoza: Leo Franco; Fernández, Alvaro, Paredes, Abraham; Acevedo, José Mari; Roger (Cidoncha, 46 min), Barkero (Diego Suárez, 59 min), Víctor R. (Jorge Orti, 79 min); eta Angelo Henríquez.
Golak: 1-0. 23 min. Eizmendi; 2-0. 43 min. Arruabarrena; 2-1. 61 min. Raúl Navas (bere atean); 2-2. 70 min. Cidoncha; 3-2. 77min. Arruabarrena.