Adelante Liga
Alaves itxuragabetu batek penaltiz galdu du Real Madril B-ren aurka
Erredakzioa
Gasteiztarrak azken minutuan berdinketa lortzear izan dira baina ez dute asmatu. Porrotak sailkapeneko postu arriskutsuetan utzi du talde arabarra.
Arabarrek partida kaskarra jokatu dute Madrilen. EiTB.
Alavesek galdu egin du Madrilen Real Madril B taldearen aurka jokatutako partidan. Arabarrek 1 eta 0 galdu dute, partida kaskarra jokatuta.
Baloiaren kontrola madrildarrena izan da hasiera-hasieratik, eta arabarrak atzean sartuta aritu dira.
Partida erabaki duen jokaldia 32. minutuan gertatu da: epaileak penaltia adierazi du Alex Ortizek baloia eskuz area barruan ukitu ostean. Omar Mascarellek Panenkaren modura jaurti du penaltia eta 1 eta 0ekoa jarri du markagailuan.
Bigarren zatian, Alavesen jarrera hobea izan da eta berdinketaren bila atera dira, baina lehen zatian agertutako gabezi berberak erakutsita.
Arabarrena izan da, hain zuzen, bigarren zatiko gol aukerarik argiena: Guzmanek area barrutik egindako jaurtiketa gogorrari erantzun bikaina eman dio Pacheco atezainak.
Azkenean, 1 eta 0 Alaves galtzaile. Talde arabarra sailkapeneko azken postuetan da.
Fitxa teknikoa:
1 - Real Madril B: Pacheco; Quini, Pulido, Llorente, Casado; Omar Mascarell, Borja, Lucas (Lucas Torró, 69. min), Jaime Romero; Benavente (Kiko Femenía, 87. min) y Raúl De Tomás (Narváez, 88. min).
0 - Alaves: Goitia; Rubio, Álex Ortiz, Jarosik, Nano; Lázaro (Manu, 78. min), Jaume, Juanma (Guzmán, 46. min), Serrano (Quiroga, 65. min); Emilio Sánchez y Viguera.
Gola: 1-0, 34. min: Omar Mascarell.