2016ra arte
Del Bosquek Espainiako selekzioarekin akordioa berritu du
Erredakzioa
Salamankako teknikariak Federazioarekin hitzarmena berritu du, eta Espainiako selekzioko entrenatzaile izaten jarraituko du, 2016ra arte.
Vicente Del Bosque. Argazkia: EFE
Vicente Del Bosquek Espainiako selekzioko entrenatzaile izaten jarraituko du, 2016ra arte. Salamankako prestatzaileak Munduko Txapelketa eta Eurokopa irabazi ditu, eta Brasilen titulua defendatzeko abagunea izango du.
Del Bosquek Espainiako Federazioarekin akordioa berritu duela, Ekuatore Ginean adierazi du, larunbatean lagunartekoa jokatuko baitute gorriek.
"Espainiako selekzioarekin akordioa 2016ra arte berritu dudala esan dezaket", esan du Del Bosquek.