20. jardunaldia
Puntu bat eskuratu du Eibarrek Lugon (0-0)
Erredakzioa
Armaginek puntu garrantzitsua lortu dute etxetik kanpo, eta sailkapen nagusiko aurreneko postuetan jarraituko dute. Emoziorik gabeko partida izan da.
Lugo-Eibar. Argazkia: EiTB
Eibarrek denboraldiko bosgarren berdinketa lortu du Lugon, (0-0), Adelante Ligako 20. jardunaldiko partidan. Emoziorik gabeko neurketa izan da, eta gol aukerak oso eskasak izan dira.
Hala ere, bigarren zatian zailtasunak izan ditu Irureta Eibarreko atezainak: korner jaurtiketa batean kale egin du, ondoren ezin izan du Alvaro Peñaren erremate ahula ondo harrapatu, eta minutu batzuk geroago aurkarien eraso batean irrist egin du.
67. minutuan Raul Navasek egindako penaltia eskatu du Lugok, baina epaileak ez du ezer adierazi. Hortik aurrera jokoa are urriagoa izan da.
Fitxa teknikoa:
0 - Lugo: Dani Mallo; De Coz, Pavon, Victor Marco, Manu; Seoane, Rafa Garcia; Pablo Alvarez (Pablo Sanchez, 61'), Alvaro Peña (Iago Diaz, 80'), Ivan Perez; eta Sandaza (Rennella, 67').
0 - Eibar: Xabi Irureta; Boveda, Albentosa, Raul Navas, Yuri; Errasti, Dani Garcia; Capa (Diego Jimenez, 70'), Jota, Arruabarrena (Urko Vera, 78'); eta Morales (Kijera, 90').