Serie A
Clarence Seedorf Milan taldeko entrenatzailea izango da
Erredakzioa
Holandarrak jokalari izateari utzi dio, eta Milango taldeko teknikaria izango da, Massimiliano Allegri kargutik kendu baitute.
Clarence Seedorf. Argazkia: EFE
Clarence Seedorfek AC Milan talde gidatuko du, Massimiliano Allegri italiarra kargutik kendu baitute. Seedorfek jokalari profesionala izateari utzi dio, eta Milaneko entrenatzailea izango da.
Holandako jokalari ohiak Ajaxen, Sampdorian, Real Madrilen, Inter Milanen, eta AC Milanen jokatu zuen Brasilera joan aurretik (Botafogo taldea). Milanekin bi Txapeldunen Liga irabazi zituen (2003 eta 2007).
“Futbola utziko dut, eta nire hurrengo pausoa AC Milan entrenatzea izango da” esan du Clarence Seedorfek. Holandarrak 37 urte ditu, eta teknikari gisa debuta egingo du.
Italiako Serie A ligan hamaikarren postuan dago Milan, eta Txapeldunen Ligan Atletico Madrilen kontra jokatuko du, final-zortzirenetan.