Bartzelonako presidente Sandro Rosellek dimisioa eman du

Sandro Rosellek Bartzelonako presidente kargua uztea erabaki du. Rosellek arratsaldean eman du ofizialki dimisioaren berri, Audientzia Nazionaleko epaile Pablo Ruzek 'Neymar auzian' kereila onartu ostean.

Bartzelonako presidentea taldeko kide esanguratsuekin bildu da ostegun goizean, aukera guztiak aintzat hartzeko. Ondoren, Zuzendaritza Batzordearen premiazko bilera deitu du, kideei erabakiaren  berri emateko. Presidentearen asmoa 'Neymar auzian' inputatuta izanez gero, auziak taldeari eragingo liokeen kaltea saihestea da.