Adelante Liga
Eibarrek lider jarraitzen du, Murtzian puntu bat aterata
Erredakzioa
Armaginek gola egiteko aukerak izan dituzte; argiena Urko Veraren hanketan, baina ez dute azken metroetan asmatu.
Eibarrek sailkapeneko lehen postuari eutsi dio. EiTB.
Eibarrek Adelante Ligako lidergoari eutsi dio Murtziaren aurkako partida hutsean amaitu ostean. Partida bizia jokatu dute bi taldeek, nahiz eta azkenean golik sartu ez.
Armaginak erasora atera dira hasieratik, Jota Peleteirok eta Moralesek sortu dute arrisku gehien, ezker hegaletik. Lehen zatian gola egiteko lau aukera argi izan dituzte gipuzkoarrek, baina baloia ez da aurkariaren atean sartu.
Bigarren zatian, aldiz, aukera gehiago izan ditu Murtziak, baina Eibarren aurkariek ere ez dute asmatu. Urko Verak aukera paregabea izan du, partidako argiena, baina markagailuan ez da aldaketarik izan.
Ondorioz, Eibarrek puntu bat ekarri du etxera, eta Adelante Ligako lidergoari eutsi dio.
Fitxa teknikoa:
0. Murtzia: Casto; Molinero, Alcalá, Truyols; Dani Toribio (Malonga, 66'), Dorca, Eddy, Iván Moreno (Wellington Silva, 58'), Dani Bautista; Saúl Berjón (Miguel Albiol, 86') eta Kike García.
0. Eibar: Irureta; Albentosa, Añibarro, Raúl Navas; Errasti (Diego Jiménez, 73'), Dani García, Bóveda, Yuri, Morales (Gilvan Gomes, 68'); Jota Peleteiro y David Mainz (Urko Vera, 60').