Albaceten
Sestao Riverrek ezin izan du igoera zuzena lortu (2-2)
Erredakzioa
Angel Viaderoren taldea 0-2 aurreratu da lehen zatian, baina etxekoek baloiaren jabetza eskuratu dute, partida berdindu dute eta Bigarren Mailan dira dagoeneko.
Your browser doesn’t support HTML5 video
Sestao Riverrek ezin izan du Bigarren Mailarako igoera zuzena lortu Albaceteren etxean bina berdinduta, txapeldunen arteko kanporaketan. Itzuliko norgehiagokan 3-3koa izan zen emaitza.
Intentsitate handikoa izan da Carlos Belmonten jokatutako lehen zatia. Talde bizkaitarrak 2. minutuan estreinatu du markagailua. Epaileak Sestaoren aldeko penaltia adierazi du, eta Jitok ez du hamaika metroetatik huts egin (0-1).
Angel Viaderoren gizonek ondo hasi dute neurketa, eta 20.ean bigarren gola egin du Carrerak. Albaceteko atzelarien akatsa baliatu du jokalariak eta atezainaren aurrean bakarrik geratu da.
33.ean markagailuan hurbildu da Albacete Ruben Cruzen golarekin, eta 40.ean neurketa berdindu du Cesarrek.
Bigarren zatian ez da gol-aukera handirik izan. Albacetek arriskua sortu du hegaletatik, eta Sestao ez da baloiaren-jabetza berreskuratzeko gai izan. Markagailuan ez da aldaketarik egon eta Albacete Bigarren Mailako taldea da dagoeneko. Sestao Riverrek, bestalde, igoera lortzeko lehian jarraituko du eta horretarako bi kanporaketa gainditu beharko ditu.
Nastic, hurrengo aurkaria
Tarragonako Nastic izango da Sestaoren aurkaria igoerarako bigarren kanporaketan. Joaneko partida Nou Estadin jokatuko da hurrengo asteburuan, eta itzuliko partida astebete beranduago, Las Llanasen