Larunbatean, 18:00etan
Real Madril – Bartzelona, badator Ligako 'klasikoa'
Erredakzioa
Kataluniarrek eta madrildarren Bernabeun neurtuko dituzte indarrak. Ohi bezala, partidak ikusmin handia sortu du.
Messi eta Benzema, aurreko partida batean. Efe.
Bartzelonak eta Real Madrilek sasoi betean ekingo diote Ligako 'klasikoari', larunbatean, Santiago Bernabeu zelaian.
Aurreko jardunaldian, Luis Enriqueren taldeak 3 eta 0 irabazi zion Eibarri etxean, eta Carlo Ancelottirenak, aldiz, ez zuen gupidarik izan Levanterekin, Ciutat de Valencia zelaian (0-5). Txapeldunen Ligan ere fin aritu dira bi taldeak, Ajax (3-1) eta Liverpool (0-3) mendean hartuta, hurrenez hurren.
Bartzelona ligan golik hartu gabe iritsi da klasikora. Real Madrilek, berriz, bost garaipen jarraian lortu ditu eta ligako talde golegileena da, 30 gol sartuta. Horietarik erdiak Cristiano Ronaldok egin ditu.
Kataluniarrek Real Madrilek baino lau puntu gehiago dituzte sailkapenean. Ondorioz, Ancelottiren taldeak garaipena behar du alde hori puntu bakarrera murrizteko. Porrotak zazpi puntura utziko lituzke.
Betiko legez, partidak ikusmin handia piztu du: mundo osoko 210 hedabidek eta 640 kazetarik izena eman dute Bernabeun egoteko.