Zaragozari irabazita (2-0)
Las Palmas Lehen Mailara igo da, Zaragozari kanporaketa irauli ostean
Agentziak | Erredakzioa
Kanarietako taldeak 3 eta 1 galdu zuen La Romaredan jokatutako joaneko partida, eta ezustean lortu du Lehen Mailarako txartela.
Your browser doesn’t support HTML5 video
Las Palmas taldeak Lehen Mailan jokatuko du datorren denboraldian, Kanaria Handia zelaian Zaragoza 2 eta 0 mendean hartu ondoren.
Kanariarrek kanporaketa iraultzea lortu dute, Romaredan jokatutako joaneko neurketan 3 eta 1 galdu baitzuten. Berdinketa kasuetan, kanpoan sartutako golek duten balio bikoitzak eman die igotzeko eskubidea (kanporaketa 3-3 amaitu da).
Partidako golak Roque Mesak (33. minutuan) eta Sergio Araujok (84.ean) egin dituzte. Las Palmas, Betis eta Sporting dira aurten Lehen Mailara igotzea lortu duten taldeak.