Bigarren Mailarako igoera
Lleida-Barakaldo eta Tudelano-Hercules, igoera playoffetan
Erredakzioa
Asteburu honetan jokatuko dira lehen kanporaketetako joaneko partidak eta itzulerakoak maiatzaren 28-29an. Olimpic-Leioa izango da mailari eusteko kanporaketa.
Barakaldo. Argazkia: EiTB
Astelehen honetan Bigarren Mailara igotzeko kanporaketen zozketa egin da Las Rozaseko (Madril) Espainiako Futbol Federazioaren 'Futbolaren Hirian', baita Bigarren B Mailari eusteko playouta ere.
Barakaldok Lleida izango du aurkari lehen kanporaketan eta itzulerako partida Lasesarren jokatuko da. Tudelanok ez du zorte handirik izan Hercules izango baitu aurkari. Joaneko partida Tudelan jokatuko da, eta itzulerakoa Alacanteko Jose Rico Perez zelaian. Mailari eusteko kanporaketan, aldiz, Leioak Olimpic Xativaren aurka jokatuko du; joanekoa Valentzian eta itzulerakoa Sarrienan. Joaneko norgehiakokak maiatzaren 21-22an jokatuko dira, eta itzulerakoak maiatzaren 28-29an.
Txapeldunen arteko kanporaketa:
UCAM Murtzia-Real Madril Castilla
Racing Santander-Reus Deportiu
Playoffa:
UD Logroñes-Vila-real B
CD Toledo-Murtzia
Lleida Sportiu-Barakaldo CF
Cadiz CF-Racing de Ferrol
CD Tudelano-Hercules
Sevilla Atletico-Socuellamos
maila mantentzeko playoffa
CP Cacereño-Linares
Olimpic Xativa-SD Leioa