Liechtenstein-Espainia, (0-4): Europako txapelduna, arazorik gabe

Espainiak Liechestein jipoitu du (0-4) Polonian eta Ukrainan jokatuko den 2012ko Eurokopara sailkatzeko multzoko lehen partidan.

Vicente Del Bosqueren mutilak jaun eta jabe izan ziren berdegunean eta partidako lehen gola Fernando Torresek (0-1) sartu zuen 18. minutuan. Ondoren, Villak 0-2koa sartu zuen 26. minutuan. Liechtensteinek bi aldiz oso urrutitik jaurti zuen, baina Casillas larritasunetan jarri gabe. Horrenbestez, 0-2ko emaitzarekin bukatu zen lehen zatia.

Bigarren zatiak antzeko gidoia izan zuen. Espainia nagusi izan zen eta ez zuen arazorik izan garaipena lortzeko. Fernando Torresek bere bigarren gola eta 0-3koa sartu zuen 54. minutuan. Zortzi minutu beranduago, David Silvak 0-4koa lortu zuen. Manchester Cityko jokalria zelairatu berri zegoen.

Silvaren golaren ondoren Espainiak hainbat gol aukera izan zituen, baina ezin izan zuen gol gehiago sartu. Azkenean, Espainiak 0-4ko emaitzarekin irabazi zuen.

Lehen multzoko beste partidan Lituaniak eta Eskoziak 0-0 berdindu dute.&' || 'nbsp;Txekiar Errepublikak atseden ihardunaldia izan du.&' || 'nbsp;Beraz, Espainia da multzo honetako liderra.

Fitxa teknikoa:

0 - Liechtenstein: Jehle, Oehri (Vogt, 46. min), Michael Stocklasa, Martin Stocklasa, Eberle (Rechsteiner, 44. min); Erne, Polverino, Wieser (Buchel, 82. min), Burgmeier; Hasler eta Frick.

4 - Espainia: Casillas, Sergio Ramos, Pique, Marchena, Capdevila, Busquets, Xabi Alonso, Xavi (Cesc, 46. min), Iniesta (Pedro, 65. min), Villa eta Torres (David Silva, 58. min).

Golak: 0-1, 18. min: Torres; 0-2, 26. min: Villa; 0-3, 54. min: Torres; 0-4, 62. min: David Silva.

Epailea: Bulent Yildirim (TUR).