PSG-k fitxatu du
Bartzelonak jakinarazi du Neymarrek ez duela klubean jarraituko
Erredakzioa
Jokalari brasildarrak asteazken honetan esan die agur Barçan taldekide izan dituen jokalariei, PSG taldean jokatuko baitu 2017-18. denboraldian hasita.
Neymar Junior. Argazkia: EFE
Bartzelonak EFE agentziari baieztatu dionez, Neymar da Silva jokalariak bere taldekideei jakinarazi die ez duela Kataluniako klubean jarraituko. "Ernesto Valverde entrenatzaileak baimena eman dio ez entrenatzeko eta bere etorkizuna argitzeko", adierazi du Bartzelonak.
Bartzelonak Joan Gamper Kirol Instalazioetan asteazken honetan egin duen lan-saiora joan da Neymar, berdegunera sartu da, taldekideei agur esatera, eta, minutu gutxi batzuk geroago, alde egin du.