Azaroaren 29an
Messi: 'Gure mailari eusten badiogu ziur Madril gaindituko dugula'
Erredakzioa
"Fitxaketekin eta Mourinhorekin asko indartu dira, baina Bartzelona hobea da oraindik ere", adierazi du aurrelari argentinarrak.
Leo Messi baikor agertu da azaroaren 29an Bartzelonak eta Real Madrilek jokatuko duten partidari begira. Qatarren kontzentratuta dago Argentinako selekzioarekin eta bertatik elkarrizketa bat eskaini dio ''FIFA.com''-i.
"Gure mailari eusten badiogu, ziur Real Madrili irabaziko diogula. Beti bezala, partida handia izango da. Euren kontra partida onak egin eta gol politak lortu ditut", adierazi du.
Baina aldi berean mendekua hartzeko gogoekin helduko direla ohartarazi du. "Fitxaketekin eta Mourinhorekin asko indartu dira, baina Bartzelona hobea da oraindik ere".