Hirugarren Maila: Laudiok eta Tudelanok lidergoan bukatuko dute urtea

Asteburu honetan 2010. urteko azken jardunaldia jokatu zen Hirugarren Mailako XV. multzoan eta azken aurrekoa IV. multzoan.

XV. multzoan Tudelanok 1-2 irabazi zion hirugarren postuan dagoen Izarrari eta Tudelakoak liderrak dira 48 punturekin. Gainera bigarren sailkatua den Valle Eguesek 1-3 galdu zuen Iruñaren aurka eta liderrarengandik bederatzi puntura daude. Jaitsiera postuetan daude Lagun Artea, Ardoi eta Peña Azagresa.

IV. multzoan jardunaldi bat dago jokatzeke 2010. urtea amaitu aurretik. Hilaren 23a, 24a eta 26a artean jokatu dute multzo honetako taldeek 18. jardunaldia. Asteburuan 17. jardunaldia jokatu ondoren Laudiok badaki lidergoan bukatuko duela urtea. Galdu egin zuten arabarrek 0-2 Elgoibarren aurka, baina lau puntuko aldea dute bigarren sailkatua den Amorebietarekiko. Zornotzakoek 1-3 irabazi zioten Eibar Bri eta 37 puntu dituzte. Puntu berdinekin hirugarren postuan da Sestao. Riverrek 2-2 berdindu zuen Amurrioren aurka. Cultural Durangok 0-1 galdu zuen Arenasen aurka eta laugarren postuan da. Elgoibar, Amurrio eta Aurrera Vitoria daude jaitsiera postuetan.

17. jardunaldiko partidak IV. multzoan:

Zarautz KE 2 - 2 CD Santurtzi
CD Lagun Onak 0 - 0 Zamudio SD
CD Laudio 0 - 2 CD Elgoibar
SCD Durango 0 - 1 Arenas Club
Santutxu FC 0 - 1 SD Leioa
Club Portugalete 1 - 0 SD Beasain
Zalla UC 2 - 0 CD Aurrera
SD Gernika Club 1 - 1 CD Basconia
Sestao River Club 2 - 2 Amurrio Club
SD Eibar -B- 1 - 3 SD Amorebieta

18. jardunaldiko partidak XV. multzoan:

CD Lourdes 5 - 3 CD Idoya
CD Ardoi 2 - 2 CD Aoiz
CD Oberena 0 - 0 UD Mutilvera
AD San Juan 0 - 0 UDC Txantrea
CD Valle de Egüés 1 - 3 CD Iruña
CD Aluvión 2 - 0 CD Lagun Artea
CD Peña Azagresa 1 - 1 CD River Ega
CD Murchante 2 - 2 CD Pamplona
CA Cirbonero 1 - 1 CD Huarte
CD Izarra 1 - 2 CD Tudelano