Neguko merkatua
Cicinhok Vila-realen jokatuko du utzita
A.B.
Erredakzioa
Roma eta Castelloko taldea akordiora iritsi dira gaur eta hegaleko jokalariak talde espainiarrean jokatuko du denboraldi bukaerara arte.
Vila-real eta Roma akordiora iritsi dira gaur Cicinhok Casteloko taldean utzita joka dezan denboraldi bukaerara arte. Real Madrileko jokalari ohia sei hilabeterako egongo da talde espainiarrean eta Vila-realek erosi ahal izateko aukera izango du denboraldi amaieran.
Angel Lopez hegaleko jokalaria sei hilabeterako lesionatu izanak Cicinho fitxatzera behartu du Vila-real. Lan bikaina egiten ari zen Angel, baina bere baja oso denbora luzerako da.
Brasilgo Padropolis herrian jaio zen Cicero João de Cezare, ''Cicinho'', 1984ko ekainaren 24ean. Botafogon hasi zuen bere ibilbide profesionala. Ondoren Atletico Mineiron eta Sao Paulon jokatu zuen. Azken talde honetatik Real Madrilek fitxatu zuen 2005. urtean eta talde madrildarrean egon zen 2007ra arte. Urte horretan Romak fitxatu zuen eta lau urte eman ditu talde italiarrean. Azken urtean, hori bai, utzita jokatu zuen Sao Paulon.