Igandean, 16:15ean
Bartzelona faboritoa da Real Madrilen aurkako Klasikorako
Erredakzioa
Barça da Ligako liderra eta Madrileko taldea 4 puntura dago. Norgehiagoka Camp Noun jokatuko da igande honetan, 16:15ean.
Luis Suarez eta Gareth Bale, Bartzelona - Real Madril Klasiko baten. Argazkia: EFE
Bartzelonak Real Madrilen aurka jokatuko du Klasikoa Camp Noun igande honetan, 16:15ean. Bartzelona Ligako liderra da 18 punturekin eta Real Madril lau puntura dago. Hamaika urteren ostean, lehen aldiz jokatuko da Klasikoa Messi eta Cristiano Ronaldo gabe.
Lionel Messi da Barçak duen baja garrantzitsuena, nahiz eta Umtiti eta Vermaelen ere min hartuta dauden. Ernesto Valverde entrenatzailearen hamaikakoa hauxe izango da: Ter Stegen, Sergi Roberto, Pique, Lenglet, Jordi Alba, Busquets, Arthur, Rakitic, Rafinha, Coutinho eta Luis Suarez.
Real Madril zalantzaz beteta iritsi da neurketa honetara eta Lopeteguiren postua kolokan dago. Dani Carvajalen baja du Real Madrilek eta hauxe izango da Julen Lopeteguik aterako duen hamaikakoa: Courtois, Nacho, Varane, Sergio Ramos, Marcelo, Casemiro, Modric, Kroos, Isco, Bale eta Benzema.
Ustezko hamaikakoak:
Bartzelona: Ter Stegen, Sergi Roberto, Pique, Lenglet, Jordi Alba, Busquets, Arthur, Rakitic, Rafinha, Coutinho eta Luis Suarez.
Real Madril: Courtois, Nacho, Varane, Sergio Ramos, Marcelo, Casemiro, Modric, Kroos, Isco, Bale eta Benzema.
Epailea: Jose Maria Sanchez Martinez.
Zelaia: Camp Nou.
Ordua: 16:15ean.