BBVA Liga
Real Madril-Bartzelona: Lau borrakaldietako lehen rounda Bernabeun
Andoni Beldarrain
Erredakzioa
Larunbat honetan 22:00etan neurtuko dituzte indarrak bi talde hauek Ligako partidan. 18 egunetan lau Klasiko izango ditugu ikusgai.
Real Madril eta Bartzelona lau aldiz izango dira aurrez aurre 18 egunetan. BBVA Ligari dagokion bigarren itzuliko partida, Errege Kopako finala eta Txapeldunen Ligako joaneko eta itzulerako partidak jokatuko dituzte elkarren aurka.
Apirilaren 16, larunbat honetan 22:00etan Santiago Bernabeun jokatuko dute Ligako partida. Bartzelonak zortzi puntuko abantaila du sailkapenean Real Madrilekiko. 18 egunetan jokatuko dituzten lau Klasikoetatik ikusmin gutxien pizten duen norgehiagoka izango da larunbat honetakoa.
Lau Klasikoen datak eta ordutegiak:
BBVA Liga: Larunbata, apirilaren 16a: Real Madril-Bartzelona (Santiago Bernabeu, 22:00etan)
Errege Kopako finala: Asteazkena, apirilaren 20a: Real Madril-Bartzelona (Mestalla, 21:30ean)
Champions League: Asteazkena, apirilaren 27a: Real Madril-Bartzelona (Santiago Bernabeu, 20:45ean)
Champions League: Asteartea, maiatzaren 3a: Bartzelona-Real Madril (Camp Nou, 20:45ean).