Itxi

Fitxaketa

Wayne Rooney Derby Countyko jokalari-entrenatzailea izango da

Agentziak | Erredakzioa

Leer en Castellano

Aurrelaria bigarren mailako taldearekin arituko da 2020ko urtarriletik aurrera, 2021eko ekainera arte. Gainera, beste urte batera luzatzeko aukera ere izango du.

Wayne Rooneyk Derby Countyn izango duen kamisetarekin. Argazkia: Wayne Rooney

Derby Countyk ofizial egin du Wayne Rooneyren fitxaketa. Jokalariak 2020ko urtarriletik 2021eko ekainera arteko kontratua izango du, eta urtebete luzatzeko aukera izango du. Gainera, jokalaria izateaz gain, Phillip Cocu entrenatzaile herbeheretarrarekin batera arituko da talde teknikoan.

Aurrelari britainiarra Ingalaterrara bueltatuko da Ameriketako Estatu Batuetako DC Uniteden hiru denboraldi jokatu ostean. Rooney Championship lehiaketan (Ingalaterrako bigarren mailan) jokatzen duen Derbyshireko aurrelari berria izango da.

Taldeko enpresaburuak emozioz egin du ofizial aurrelari historikoaren fitxaketa: "Waynek gure taldearen irudia hobetzeaz gain, taldearen kalitatea nabarmen handituko du".

Wayne Rooney (33 urte) 2020ko urtarrilean hasiko da Ingalaterrako taldearekin, AEBko MLS ligan denboraldia amaitu ondoren.