Adierazpenak
Maradona: 'Botereari eutsi nahi dion dinosaurioen museoa da FIFA'
Erredakzioa
Joseph Blatter FIFAko presidente aukeratu berri dute eta horri buruz galdetu diotenean arazo barik bere iritzia eman du argentinarrak.
"Egoerak berdin jarraituko du. FIFA museo handia da, botereari eutsi nahi dioten dinosaurioak dira. Etorkizunean, karguari uko egitea espero dut, baina ez izan itxaropen handiegirik", esan du argentinarrak Al Wasl taldeko entrenatzaile gisa emandako lehen prentsaurrekoan. Joseph Blatter FIFAko presidente aukeratu berri dute eta horri buruz galdetu diotenean arazo barik bere iritzia eman du.
"FIFA familiako kide izateko eskaera egin zidaten, baina futbolean jokatzen ez badute ez dago familiarik. Futbolari buruz ideiarik ez duten pertsonek boterean jarraitzen duten bitartean egoera ez da aldatuko", adierazi du.