Premier League
Leicesterrek Premierrean etxetik kanpo lortu den emaitza handiena erdietsi du
Erredakzioa
0-9ko emaitzarekin irabazi dio Southamptoni eta txapelketaren historian lortu den emaitza handiena berdindu du: 1995ean Manchester Unitedek Ipswich Towni sartutako 9-0ekoa.
Morgan, Leicesterrek Southamptoni sartutako gola ospatzen. Argazkia: EFE
Leicester Cityk historia egin zuen Southamptoni 0-9ko emaitzarekin irabazita. Etxetik kanpora Premier Leaguean lortu den emaitza handiena da ostiralean Leicesterrek erdietsitakoa, eta ordura arte txapelketan eman den emaitzarik handiena berdindu du: 1995ean Manchester Unitedek Ipswich Towni sartutako 9-0ekoa.
Neurketa azkar bideratu zuen Leicesterrek, 18. minuturako 0-3 irabazten ari baitzen eta Southampton jokalari bat gutxiagorekin baitzegoen, Ryan Bertrand egotzi zutelako. Ayoze Perezek eta Jamie Vardyk hat-trick bana sartu zuten.