Erabakia
Neguko baloia ez erabiltzea erabaki du Ligak, ez delako ondo ikusten
Erredakzioa
'Hemendik aurrera, neguko baloia baldintza meteorologiko txarretan jokatzeko soilik erabiliko da', jakinarazi dute Ligak eta baloiaren egilea den Puma markak.
Ligako neguko baloiaren irudia. Argazkia: EiTB
Ligak eta Pumak jakinarazi dutenez, neguko baloia baldintza meteorologiko txarretan jokatzeko soilik erabiliko da. Hamargarren jardunaldiko neurketak baloi berriarekin jokatu dira, baina zelaietan egon diren zaleen eta telebistako ikusleen kexak ugariak izan dira, ez zelako ondo ikusten.
"Pumak eta Ligak azaldu nahi dute, iragan astean aurkeztu genuen neguko baloia Santander Ligako eta SmartBank Ligako partidetan erabili zela, aurkezpena egin ondorengo lehen jardunaldia izan zelako", adierazi dute Ligak eta Puma markak ohar baten bitartez.
"Hemendik aurrera, neguko baloia baldintza meteorologiko txarretan jokatzeko soilik erabiliko da", argitu dute komunikatu ofizialean.