Bi norgehiagokak berdinduta
Granadak Lehen Mailara igotzea lortu du
Erredakzioa
Andaluziarrek berdinketa garrantzitsua lortu dute (1-1) Elxen aurka eta joaneko partidako 0-0ekoari esker, 35 urte geroago futbolaren goreneko mailara itzuli dira.
Argazkia: EFE
Granadak 35 urte geroago Lehen Mailan jokatuko du etxetik kanpora lortutako gol garrantzitsuari esker. Joaneko norgehiagoka 0-0ekoarekin bukatu zen andaluziarren futbol zelaian eta Elxen 1-1eko emaitzarekin bukatu zen partida.
Fabriren taldeak Bigarren B mailatik Bigarren mailara eman zuen jauzia iaz eta datorren denboraldian futbolaren goreneko mailan arituko dira zuri-gorriak.
Fitxa teknikoa:
1 - Elx: Jaime, Carpio, Samuel, Pelegrin (Hector Verdes, 84. minutuan), Edu Albacar, Xumetra, Mantecon, Generelo, Cristobal (Perera, 64. minutuan), Kike Mateo (Palanca, 53. minutuan) eta Angel.
1 - Granada: Roberto, Nyon, Iñigo Lopez, Mainz, Siqueira (Ruben, 83. minutuan), Collantes (Oscar Perez, 78. minutuan), Mikel. Rico, Abel Gomez, Dani Benitez, Orellana eta Ighalo (Geijo, 70. minutuan).
Golak: 0-1, 28. minutuan: Ighalo. 1-1, 81. minutuan: Xumetra.