2. B Mailarako igoera fasea
Olimpicek bi partidak irabazi eta igoera gabe utzi du Izarra
Erredakzioa
Nafarrek 1-2 galdu zuten joaneko partida eta itzulerakoan 2-0 irabazi dute valentziarrek. Ondorioz, beste urte bete eman beharko du Hirugarren Mailan talde nafarrak.
Olimpicek Bigarren B Mailara igotzea lortu du Izarrari azken kanporaketa irabazita. Argazkia: EITB
Izarrak ezin izan du Bigarren B Mailara igotzea lortu. Xativako Olimpicen aurka jokatu behar izan dute igoera faseko azken kanporaketa eta joaneko partida 1-2 galdu ostean itzulerako partida 2-0 galdu dute nafarrek.
Horrenbestez, beste urte betez jokatu beharko du Hirugarren Mailan Izarrak. Olimpicek Bigarren B Mailara igotzea lortu du, baita Reus Deportiuk eta Manacorrek ere. Katalanek 2-0 irabazi zioten joaneko partidan Comarca de Nijar taldeari eta itzulerako norgehiagokan 0-1 irabazi zuten Tarragonakoek. Baleareetako taldeak, multzoetako liderren arteko kanporaketan Amorebietaren aurka galdu zuten eta beste bi kanporaketa jokatu behar izan zituzten. Joaneko partidan 2-1 galdu zuen Manacorrek Almasaren aurka, baina etxean jokatutako itzulerako norgehiagokan 1-0 irabazi zuen Mallorcako taldeak.
Larunbat honetan jokatu den igoera faseko azken partidan nor baino nor aritu dira Sporting&' || 'nbsp;Villanueva eta Alhaurin de la Torre. Sporting de&' || 'nbsp;Villanueva Extremadurako taldeak lortu du igoera.&' || 'nbsp;Joaneko partidan 0-2 irabazi zioten Malagako taldeari eta itzulerakoan 1-1 berdindu dute.