Errege Kopa
Bigarren txandako partiden datak eta ordutegiak
Erredakzioa
Haro-Osasuna, Portugalete-Betis eta Sestao-Athletic Club urtarrilaren 11n jokatuko dira; Cacereño-Eibar, Ceuta-Reala eta Barakaldo-Rayo Vallecano, aldiz, urtarrilaren 12an.
Errege Kopako baloia eta garaikurra. Argazkia: EFE
Espainiako Futbol Federazioak Errege Kopako bigarren txandako kanporaketen datak eta ordutegiak jakinarazi ditu astelehen honetan. Fase honetako neurketak, urtarrilaren 11 eta 12 artean jokatuko dira.
Euskal taldeei dagokienez, urtarrilaren 11n (larunbata) jokatuko dira Haro-Osasuna (12:00etan), Portugalete-Betis (16:00etan) eta Sestao-Athletic Club (19:00etan) norgehiagokak. Urtarrilaren 12an, igandean, Cacereño-Eibar (12:00etan), Ceuta-Reala (16:00etan), eta Barakaldo-Rayo Vallecano (17:00etan) partiden txanda izango da.