Merkatua
Granadak Alex Goikoetxea fitxatu du bi denboraldirako
A.B.
Erredakzioa
Lehen denboraldian Cadizen jokatuko du utzita eta modu honetan Quique Pinaren proiektu berriaren barruan sartuko da.
Alex Goikoetxea euskal futbol jokalaria fitxatu du Granadak datozen bi denboraldietarako. Lehen urtean Cadizen arituko da utzita Arteako mutila. Quique Pinaren proiektu berriko pieza garrantzitsua bilakatzen da erdiko defentsa bizkaitarra.
Goikoetxeak Salamancan jokatu ditu azken bi denboraldiak. Taldeko kapitainetako bat izan da eta bi denboraldi on burutu ditu Bigarren Mailan. Adelante Ligako Huesca, Recreativo Huelva eta Xerezen eskeintzak baztertu ditu Arteako jokalariak.
Cadizen Salamancan bere taldekidea izan den Hector Yusterekin topo egingo du berriro. Yuste ere Goikoetxearen egoera berdinean dago. Granadak fitxatu du eta Cadizen utzita hasiko du denboraldia. Beste taldekide ohi bat ere aurkituko du Cadizen. Bilbao Athleticen eta Cultural Leonesan taldekide izan zuen Oinatz Aulestia bertan aurkituko du. Ondarroako atezainak Oviedo utzi eta Cadizekin sinatu du kontratua.