Irabazlea, abuztuaren 25
Xavi, Messi eta Ronaldo, Europako Jokalari Onenarako hautagaiak
Erredakzioa
Irabazlea 53 kazetarik osatutako epaimahaiak erabakiko du Monakon.
Ezkerretik hasita: Xavi, Messi eta C. Ronaldo. Argazkia: EFE
Bartzelonako Xavi Hernandez eta Lionel Messi eta Real Madrileko Cristiano Ronaldo dira Europako Jokalari Onenaren saria irabazteko hautagaiak, UEFAk jakitera emandakoaren arabera.
Irabazlearen izena abuztuaren 25ean ezagutuko dugu. Egun eta leku berean Txapeldunen Ligako eta Europa Leagueko zozketak egingo dira. Irabazlea 53 kazetarik osatutako epaimahaiak erabakiko du.
Europako talde batean jokatzen duen jokalaria saritzea da helburua, herritartasuna kontutan hartu barik.