EURO 2020
Osatuta geratu dira 2020ko Eurokopako multzoak
eitb.eus
Eslovakia, Hungaria, Ipar Mazedonia eta Eskozia izan dira azkenak sailkatzen. E multzoan, Espainia, Polonia, Suedia eta Eslovakia arituko dira, eta San Mamesen eta Dublinen jokatuko dituzte partidak.
Eslovakiako jokalariak Ipar Irlandaren aurka lortutako garaipena ospatzen. Argazkia: EFE
2020ko Eurokopara sailkatzeko azken txartelak banatu ziren ostegunean, eta Eslovakia, Ipar Mazedonia, Hungaria eta Eskozia izan ziren horiek lortzen azkenak.
Eurokopako egoitzetako bat San Mames izango da, eta E multzoko hiru partida eta final-zortzirenetako neurketa bat jokatuko dira bertan. Multzo horretako beste hiru partida eta final-zortzirenetako bat Dublinen jokatuko dira. E multzoan, Espainia, Polonia, Suedia eta Eslovakia arituko dira, eta Espainiako selekzioak hiru partida jokatuko ditu San Mamesen, eta final-zortzirenetako bat ere bertan jokatuko da, sailkapenaren arabera.
Pandemiaren ondorioz, 2020ko Europa 2021eko ekainaren 11n hasi eta uztailaren 11n amaituko da.
Eurokopako multzoak:
A Multzoa: Italia, Turkia, Gales, Suitza.
B Multzoa: Belgika, Errusia, Danimarka, Finlandia.
C Multzoa: Ukraina, Herbehereak, Austria, Ipar Mazedonia.
D Multzoa: Ingalaterra, Kroazia, Txekia, Eskozia
E Multzoa: Espainia, Suedia, Polonia, Eslovakia.
F Multzoa: Alemania, Portugal, Frantzia, Hungaria.