Urtarrilaren 13tik 17ra
Espainiako Superkopa Kordoba, Malaga eta Sevillan jokatuko da
A. A. | EITB Media
Arcangel, Rosaleda eta Cartuja futbol-zelaiek hartuko dituzte txapelketako neurketak, eta bertan izango dira Athletic eta Reala, Real Madril eta Bartzelonarekin batera.
Cartujako futbol-zelaia. Argazkia: EFE
Hasiera batean Saudi Arabian jokatzekoa zen Espainiako Superkopa azkenerako Andaluziako hiru futbol-zelaitan egingo da. Hala eman zuen jakitera bart gauean El Partidazo de Cope kirol irratsaioak.
Horrenbestez, baieztapen ofizialaren faltan, Kordobako Arcangel zelaiak hartuko du finalerdietako bat, eta bestea Malagako Rosaleda jokatuko da. Azkenik, finala Sevillako Cartujan lehiatuko da.
Kanporaketak zehaztuko dituen zozketa ostegun honetan, abenduaren 17an, egingo da. Lehiaketa bere horretan datorren urtarrilaren 13tik 17ra bitartean jokatuko da, eta bertan Athletic, Reala, Bartzelona eta Real Madril arituko dira nor baino nor gehiago.
¿ La #SupercopaDeEspaña se disputará en España
— El Partidazo de COPE (@partidazocope) December 14, 2020
¿Una semifinal en Málaga (La Rosaleda)
¿Otra semifinal en Córdoba (El Arcángel)
¿ La Final en Sevilla (La Cartuja)
¿ Semifinales miércoles 13 y jueves 14 de enero. La final el domingo 17
¿ #PartidazoCOPE pic.twitter.com/Is9ndgjzwy