Mallorca-Athletic
Caparros: 'Athletic aztarna uzten duen kluba da'
Erredakzioa
Utrerako entrenatzaileak Bilboko taldea izango du aurkari igandean. Bere ustez, Bielsaren mutilek 'ligako lau talde onenetariko bat' osatzen dute.
Caparros. Argazkia: EFE
Mallorcako entrenatzaileak, Joaquin Caparrosek, Marcelo Bielsaren taldea izango du aurkari igandean (20:00etan). Caparrosek, "Athletic aztarna uzten duen kluba" dela argi utzi du prentsaurrekoan.
"Athletici beti eskertuta egongo naiz. Lau urtez zuri-gorriak entrenatzea pribilegioa izan da niretzat oso klub handia bata Bilbokoa" azaldu du Mallorcako entrenatzaileak. "Partida zaila izango da ligako lau talde indartsuenetariko baten aurka arituko baikara" azaldu du Caparrosek.
"Maila handiko jokalariak ditu Athleticek eta pixkanaka hazten doaz. Asko pozten naiz zaleengatik eta jokalariengatik" adierazi du andaluziarrak. Gainera, Bielsarei onena opa diola argi utzi du Joaquin Caparrosek: "Onena opa diot. Athletcen bazkidea naiz eta asko pozten naiz. Bilboko taldearekin zorretan nago, klubak asko eman baitit" bukatu du Utrerakoak.