Larunbatean, 22:00etan
Real Madril-Bartzelona: Dena prest Klasikorako
A.B.
Erredakzioa
Bernabeun jokatuko da partida larunbat honetan 22:00etan. Mourinhok zuzentzen duen taldeak hiru puntuko aldea du Guardiolaren taldearekiko eta norgehiagoka bat gutxiago jokatu dute orain arte
Mascherano eta Benzema Superkopako Real Madril-Bartzelona partidan. Argazkia: EFE
Larunbat honetan, gaueko 22:00etan, jokatuko da BBVA Ligako Klasikoa. Santiago Bernabeu eskenatoki dela aurrez aurre izango dira Real Madril eta FC Bartzelona.
Real Madrilek hiru puntuko abantaila du Bartzelonarekiko sailkapenean eta Madrilgo taldeak aurkariak baino partida bat gutxiago jokatuta du momentuz. Bi taldeek badakite zein den partidaren garrantzia; Real Madrilek irabazten badu Liga irabazteko aurrerapauso handia emango luke eta Bartzelonak garaipena lortuz gero, aldeak murriztuko lituzke eta bere aurkari nagusia urduri jarri ere.
Inoiz baino lasaiago dator partida hau. Bi taldeetako jokalariek ez dute astean zehar partida honetaz hitz egin eta Mourinho eta Guardiola entrenatzaileak ere inoiz baino lasaiago ikusi dira egin dituzte adierazpenetan. Badirudi bi taldeek zelaian hitz egin nahi dute eta ikuskizuna bermatuta dago.
Ustezko hamaikakoak:
Real Madril: Casillas; Lass, Pepe, Sergio Ramos, Marcelo; Xabi Alonso, Khedira; Ozil, Di María, Cristiano Ronaldo; Benzema.
FC Bartzelona: Valdes; Alves, Pique edo Puyol, Mascherano, Abidal; Busquets, Xavi, Iniesta, Alexis, Cuenca; Messi.