Entrenatzaile berria
Atletico Madrilek Simeone aurkeztu du
Erredakzioa
Argentinarrari aurtengo denboraldia amaitu eta beste urtebeteko kontratua egin diote. Germán "Mono" Burgos izango da bigarren entrenatzailea.
Simeoneren aurkezpena. Argazkia: EFE
Atletico Madrilek bere entrenatzaile berriaren aurkezpena egin du goizean. Diego Pablo "Cholo" Simeoneri aurtengo denboraldia amaitu eta beste urtebeteko kontratua egin diote talde madrildarrean.
Duela 4 egun kargutik kendu duten Gregorio Manzanoren tokia hartuko du Simeonek eta zaleei itxaropena eta lasaitasuna eskatu dizkie.
Atletico Madrileko jokalari ohiak Jose Luis Perez Caminero klubeko kirol-zuzendariaren babesa du eta taldea lehen lauren artean gelditzea da helburuetako bat.