EURO 2020
Christian Eriksen ospitalean eta "egonkor" dago zelaian konortea galdu ostean
A. A. | EITB MEDIA
Danimarkako selekzioko jokalariak zerraldo erori da Danimarka - Finlandia partida jokatzen ari zela, eta ospitalera eraman behar izan dute berdegunean artatu eta gero.
Your browser doesn’t support HTML5 video
Christian Eriksen Danimarkako selekzioko jokalaria egoera "egonkorrean" dago larunbat honetan Kopenhageko ospitale batera eraman ostean. Danimarkaren eta Finlandiaren arteko partida hasi eta 43 minutura zelaian erori egin da.
"Eriksen esna dago eta azterketa gehiago egin behar dizkiote Rigshopitaleten", informatu du Danimarkako Futbol Federazioak Twitter bidez.
Eriksen bihotz-biriketako geldialdian sartu da, eta zelaiko osasun-langileek berdegunean artatu dute, eta 15 minutuz suspertzen saiatu dira. Bere taldekideek inguratu egin dute, kamerek Interreko jokalaria grabatzea saihesteko. Gainera, zelaiko langileek eskuoihal handiekin estali dute jokalaria.
UEFAk ohar batean adierazi duenez, "ospitalera eraman eta egonkortu egin da". Europako futbolaren erakunde gorenak partida bertan behera uztea erabaki du.
The match had been suspended due to a medical emergency which involved Denmark's Christian Eriksen. The player in now in hospital and in a stable condition.
— UEFA EURO 2020 (@EURO2020) June 12, 2021
UEFA wishes Christian Eriksen a full and speedy recovery and wishes to thank both teams for their exemplary attitude.
Aitzitik,