Itxi

Jardunaldi baten faltan

Real Madril, neguko txapeldun Mallorcari irabazita

Erredakzioa

Asko kosta zitzaion garaipena lortzea Mourinhok zuzentzen duen taldeari. Hemedek Mallorca aurretik jarri zuen eta bigarren zatian irauli zuten markagailua merengeek.

Callejon Real Madrili Mallorcaren aurka garaipena eman zion gola ospatzen. Argazkia: EFE

Real Madril da BBVA Ligako neguko txapelduna Mallorcari Iberostar estadioan 1-2 irabazita. Galtzen hasi ziren merengeak eta markagailua irauli zuten bigarren zatian.

Hemedek sartu zuen Mallorcaren lehen gola 38. minutuan (1-0) eta bigarren zatirako eskema aldatzera behartu zuen Jose Mourinho. Entrenatzaile portugaldarrak Higuain atera eta hiruko defentsarekin jokatu zuen. Higuainek 71. minutuan 1-1ekoa sartu zuen eta Callejonek egin zuen garaipenaren gola (1-2).

Ligaren historian Reala gutxieneko bost puntuko aldearekin neguko txapeldun izan eta urte amaieran Liga irabazi ez duen talde bakarra.

Fitxa teknikoa:

1 - Mallorca: Aouate; Cendros, Ramis, Chico, Caceres; Pereira, Tissone (Alfaro, min. 81) Joao Víctor, Castro; Víctor Casadesus (Marti, min. 82) eta Hemed (Ogunjimi, min. 72).

2 - Real Madril: Casillas; Arbeloa (Kaka, min. 59), Sergio Ramos, Pepe, Marcelo (Coentrao, min. 59); Lass (Higuain, min. 46) Xabi; Callejon, Ozïl, Cristiano; eta Benzema.

Golak: 1-0, min. 38: Tomer Hemed. 1-1, min. 70: Higuain. 1-2, min. 80: Callejon.
Epailea: Perez Montero.