Liderrarengandik bost puntura
Bartzelonak kostatako garaipena lortu du Betisen aurka (4-2)
Erredakzioa
Talde katalana 2-0 irabazten hasi zen, baina andaluziarrek norgehiagoka berdintzea lortu zuten. 71. minutuan hamar jokalarirekin geratu zen Betis eta orduan erabaki zuten partida blaugranek.
Mariok (Betis) txartel gorria ikusi zuen 71. minutuan. Argazkia: EFE
Bartzelonak uste baino gehiago kostat irabazi zion Betis Camp Noun. Blaugranek 4-2 irabazi zuten eta Real Madrilengandik bost puntura jarraitzen dute.
Etxeko taldeak ondo ekin zion partidari eta 12. minuturako 2-0 irabazten zebiltzan Xaviren eta Messiren golei esker. Betisek, ordea, ez zuen etsi eta Ruben Castrok 2-1ekoa sartu zuen 32. minutuan. Bigarren zatiko 52. minutuan Roque Santa Cruzek 2-2koa sartu zuen eta partida oso irekita egon zen. Azken 20 minutuetan, ordea, Betis hamar jokalarirekin geratu zen epaileak Mario egotzi baitzuen. 75. minutuan Alexisek 3-2koa sartu zuen eta Messik 4-2koa sartu zuen penaltiz 85. minutuan.
Fitxa teknikoa:
4 - Bartzelona: Valdes; Puyol, Mascherano, Abidal; Busquets, Xavi, Iniesta (Adriano, m.88), Cesc (Thiago, m.83); Alexis, Messi eta Cuenca (Alves, m.46).
2 - Betis: Casto; Isidoro, Dorado, Mario, Nacho; Cañas, Iriney (Roque Santa Cruz, m.46); Salva Sevilla (Matilla, m.57), Jefferson Montero, Ruben Castro eta Molina (Ustaritz, m. 73).