Real Madril
Pepek ez du taldekideekin batera entrenatu
Erredakzioa
Portugaleko zentralak kolpe handi bat jaso zuen larunbatean, Mallorcaren kontra jokatutako partidan.
Pepe eta Alves, artxibozko irudia. Argazkia: EITB
Pepe Real Madrileko atzelaria ez da Madrileko taldearen gaurko entrenamenduan egon, larunbatean Mallorcaren kontra jokatutako partidan eskuineko koadrizepsean kolpe bat hartu eta gero. Baliteke horrek Jose Mourinhoren asmoak aldatzea, asteazkeneko klasikoa prestatzeko bidean.
Real Madrileko fisioterapeutak Portugaleko zentrala osatzeko lanean hasi dira, asteazkenerako prest egoteko. Gainera, baliteke Portugaleko entrenatzaileak zelai erdian kokatzea Pepe, Xabi Alonsorekin batera.